Біздің туған күніміз!

Өткен жылы «Нұр шашқан тарих» атты кітап жарық көрді. Бүгін «Астана-Аймақтық Электржелілік Компаниясы»АҚ-ның 40 жылдығына орай жазылған кәсіпорын тарихымен танысуды ұсынамыз.

41 жыл... Берік компания үшін қысқа мерзім емес сияқты. Бірақ екінші жағынан, тоқырау жылдарына сәйкес келген кәсіпорынның қалыптасу кезеңінде де,    қайта құру және дағдарыс дәуірінде де,   екпінді де  қарқынды  екі мыңыншы жылдары да, энергетиктерді – Прометейдің адамдарға жарық беруі  сияқты шынайы, арынды  ұмтылысы  біріктіргені  түсінікті болу үшін жеткілікті мерзім.

Күнтізбеде қай жыл, аулада тәуліктің қай уақыты, сыртта қандай ауа-райы екені маңызды емес. Күн-түн демей, ыстық пен суықта жұмыс істеу керек болды – жұмыс істеді. Демалыс, жеке өмір, тыныш ұйқы, денсаулық пен жүйкені құрбан ету керек болды – құрбан етті.  Энергия объектілерін салу, жаңа жабдықтарды енгізу, кабель  тарту, техниканы сынау, схемаларды әзірлеу, шағын станцияларды жетілдіру, аварияларды жою, құрылымды қайта құру – қаншалықты оңай ғылым емес екендігін тек энергетиктер біледі. Бұл адамдар үшін жұмыс әрқашан жеке мүддеден жоғары тұрады.  

 Осы туралы білгеннен кейін ғана,  елдің бас қаласының жалғыз энергетикалық артериясы болып табылатын кәсіпорынның салыстырмалы түрде кішкентай ұжымы, еңсерілмейтін болып көрінетін қиындықтарды жеңіп, күрделі міндеттерді орындап,  дағдарыс пен құлдыраудың тұңғиығына түсіп кетпей,  компанияны алдыңғы қатарға қалай шығарғанын түсіне бастайсың. Жылдан жылға елордалық энергетиканың позициясын нығайта түсті.

 Бұл кәсіпорынның күші кадрларда.  Олардың көпшілігі мамандыққа жүрек қалауы бойынша, әлі бозбала кезінде келген. Қатардағы электрші, монтер, бақылаушы болып еңбек жолын бастады. Көпшілігі мансаптық өсудің барлық кезеңдерінен өтіп, басшылық лауазымдарға  тек қана қабілеті мен жұмыс көрсеткішінің арқасында қол жеткізді. Бұл энергетиканың басты ерекшелігі болуы ықтимал.

Кітап беттерінде бүгінгі елордалық энергетиканың даңққа лайықты  адамдарының тағдыры жазылған. Біреулер қазір арамызда жоқ, біреулер Ардагер деген атқа ие болды, енді біреулер бастамашылардың дәстүрін жалғастыра отырып, жаңа тарихты жасайды.

Алда  бізді көптеген даңқты істер мен жаңа жеңістер тосып тұрғанына сенімдіміз!