Өртке қарсы жаттығулар 

Жаттығулардың тақырыбы: Өрт туындаған кезде объекті персоналының бастапқы әрекеттерін пысықтау, объекті жеке құрамының өртке қарсы қызметпен өзара әрекеті, сондай-ақ тіршілікті қамтамасыз ету объектілерінде ықтималды өртті жою. 

Жаттығуға Нұр-Сұлтан қаласының өрт сөндіру қызметінің 17-МӨБ  және 3-МӨБ  жауынгерлік есептобы қатысты.  «Астана-АЭК» АҚ тарапынан орталық-диспетчерлік қызмет, жедел-көшпелі қызмет, сенімділік және қауіпсіздік техникасы қызметі, қауіпсіздік және мониторинг қызметі, деиспетчерлік және технологиялық басқару қызметі мен арнайы жұмыстар және азаматтық қорғаныс бөлімі тартылды.  

Жаттығу барысында келесі іс-әрекеттер жетілдірілді: 

1. 110/10 кВ шағын станцияда трансформатордың ықтималды тұтану кезінде жедел-көшпелі бригаданың ахуалын бағалау; 
2. Орталық-диспетчерлік қызметтің өрт сөндіру қызметі және компания басшылығын хабардар ету схемасын пысықтау;  
3. Өрт сөндіру есептобы келгенге дейін объектінің жеке құрамы мен жедел-көшпелі бригаданың бастапқы әрекеті; 
4. 110/10 кВ шағын станцияда трансформатордың ықтималды тұтануын сөндіру кезіндегі объектінің персоналы және өрт сөндіру есептобының жеке құрамымен өзара әрекеті;  
5. Өрт-техникалық жаттығуларды талдау. 

Өрт сөндіру қызметі біздің мамандардың барлық әрекетін білікті ұйымдастырылған және келісілген деп атап өтті.  «Астана-АЭК» АҚ персоналы өрт сөндіру есептобының жеке құрамымен өзара әрекеттесуде кәсіпқойлық пен құзыреттілік танытты. Ескертулер жоқ, жаттығулар ойдағыдай, жоғары деңгейде өтті.