«Астана-АЭК» АҚ объектілері бойынша баспасөз туры: елорданың энергия жүйесінің ашықтығы мен жаңғыртылуы.

«Астана-АЭК» АҚ объектілері бойынша баспасөз туры: елорданың энергия жүйесінің ашықтығы мен жаңғыртылуы.

22 тамызда Қазақстан Республикасы Ұлттық экономика министрлігі Табиғи монополияларды реттеу комитетінің Астана қаласы бойынша департаментінің ұйымдастыруымен баспасөз туры өтті.
Іс-шара «Астана-Аймақтық Электржелілік Компаниясы» АҚ инвестициялық бағдарламасының іске асырылуымен танысу үшін БАҚ өкілдері мен жұртшылықты біріктірді.

«Астана-АЭК» АҚ басшылығы елорданың энергожүйесін жаңғыртуға бағытталған ағымдағы және аяқталған жобаларды ұсынды. Қатысушылар 2024 жылғы инвестициялық бағдарлама аясында құрылыс-монтаждау жұмыстары жүргізіліп жатқан объектілерге, сондай-ақ 2023 жылы аяқталған қайта жаңартылған «Центральная» шағын станциясына барды.

Бағдарламаның негізгі жетістіктерінің қатарына мыналар жатады:
* Желілердің тозуын азайту
* Технологиялық бұзушылықтарды азайту
* Электр энергиясының нормативтік шығындарын 10,7% -дан 9,8% -ға дейін қысқарту

«Астана-АЭК» АҚ барлық тұрғындар үшін сенімді және қауіпсіз электрмен жабдықтауды қамтамасыз ете отырып, елорданың энергия жүйесін жаңғырту бойынша белсенді жұмысты жалғастыруда.