Уәкілетті орган белгілеген мерзімде күзгі-қысқы кезеңдегі жұмысқа әзірлік паспортын алмағаны үшін «Қазсушар» ШЖҚ РМК-ды әкімшілік жауапкершілікке тарту

«Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Нұр-Сұлтан қаласы бойынша аумақтық департаменті» ММ-не (бұдан әрі – Департамент) Қазақстан Республикасы экология, геология және табиғи ресурстар министрлігі Су ресурстары комитетінің «Қазсушар» ШЖҚ РМК (бұдан әрі-РМК) 2021-2022 жылдар мерзімінде күзгі-қысқы кезеңдегі жұмысқа әзірлік паспортын алмағаны үшін «Нұр-Сұлтан қаласының Отын-Энергетикалық кешені және коммуналдық шаруашылық басқармасы» ММ келіп түскен материалдар бойынша әкімшілік іс қозғады. Әкімшілік істі қарау барысында, РМК уәкілетті орган белгілеген мерзімде күзгі-қысқы кезеңдегі жұмысқа әзірлік паспортын алмағаны анықталды, қызмет алушыларға әзірлік паспортын жыл сайын 19-қазанға дейін алу қажет, бұл 2015 жылғы 2 ақпандағы №55 энергия өндіруші, энергия беруші ұйымдардың күзгі-қысқы кезеңдегі жұмысқа әзірлік паспортын алу ережелерінің 32 тармағын бұзу болып табылады.

Осыған байланысты Департамент , ҚР әкімшілік құқық бұзушылық туралы кодексінің (бұдан әрі-Кодекс) 802-бабының 2-бөлігін басшылыққа ала отырып, уәкілетті орган белгілеген мерзімде жұмысқа әзірлік паспортын алмағаны үшін РМК-ды Кодекстің 301-бабы 1-бөлігі бойынша әкімшілік жауапкершілікке тартты.

Департамент барлық энергия өндіруші, энергия беруші ұйымдарға уәкілетті орган бекіткен уақытта күзгі-қысқы кезеңдегі жұмысқа әзірлік паспортын алу қажеттілігін ескертеді.