Кәсіподақ активінің Семинар-тренингі
Танымал бөлімдер
Жұмыс орнындағы әділеттілік үшін бірге!
2025 жылғы 6-7 қазанда «Астана-АЭК» АҚ кәсіподағының бастамасымен Қазақстан Республикасындағы қызметкерлердің еңбек құқықтарын қорғау мәселелеріне арналған Компанияның кәсіподақ активінің семинар-тренингі өтті.
Сабақты Қазақстан Республикасы Мемлекеттік қызмет істері агенттігінің Қоғамдық кеңесінің төрайымы, PhD, Бибігүл Шәкірбайқызы Ағыбаева өткізді, ол ҚР еңбек заңнамасының новеллаларымен, өзекті кейстерімен және қызметкерлердің еңбек құқықтарын кәсіподақ жағынан қорғау жөнінде практикалық ұсыныстармен бөлісті.
Оқыту аясында мынадай негізгі тақырыптар қарастырылды:
- Мемлекет басшысының Қазақстан халқына Жолдауына, сондай-ақ оның жұмыс орындарындағы практикалық маңыздылығына сілтеме жасай отырып, «Заң және тәртіп» қағидаты;
- еңбек құқықтық қатынастарының құрылымы;
- тәртіптік жауапкершілік, қолдану нормалары мен тәртібі.
Мұндай іс-шаралар қызметкерлердің құқықтық сауаттылығын арттыруға және «Астана-АЭК» АҚ кәсіподақ мүшелерінің құқықтары мен мүдделерін қорғауға бағытталған кәсіподақ қозғалысын нығайтуға ықпал етеді.
